Ujeza Kukmekaj është emri i të arrestuarës e cila shërbeu si ndërmjetësuese për trafikun e emigrantëve. Një hetim gjeti qindra mesazhe në telefonin e saj, të cilat sugjeronin se ajo po lidhte kontrabandistët me njerëz që dëshironin të kalonin në Mbretërinë e Bashkuar.
Ajo u dënua me 7 vite e 6 muaj burg. Telefoni i saj përmbante gjithashtu 21 imazhe të letërnjoftimeve dhe pasaportave shqiptare, të cilat, kur u kontrolluan, tregonin se nëntë nga individët të cilëve u përkisnin kishin mbërritur në Mbretërinë e Bashkuar me një varkë të vogël.
