Një varg i gjatë bisedash të kriptuara në aplikacionin “SKY”,ka nxjerë zbuluar një pjesë të aktivitetit kriminal në trafikun e kokainës, që drejtohej nga Ervin Mata.
Informacionet SPAK i ka marë me letërporosi nga Brazili, Kolumbia,Ekuadori, Hollanda, Anglia dhe shtete të tjera, duke provuar dhe dokumentuar 4 raste domethënesë të trafikut të drogës.
Në biseda trafikantët përdorin kode të ndryshme ndërsa komunikojnë për dërgimin e 500 kg, dhe bëjnë planin se duhet të fusin pakot në dysheme apo në tavan të kontinjerit.
Rezulton se me datë 12 tetor 2023 është administruar informacioni i ardhur Oficeri i Kontaktit pranë Ambasadës së Mbretërisë së Holandës, i cili ka informuar si më poshtë se në datën 5 janar 2021 nga autoritetet ligjzbatuese Holandeze është kontrolluar konteineri numër SUDU80149225 në zonën e quajtur “Maasvlakte” në portin detar të Roterdamit, Holand.
Ky kontenier është transportuar në këtë vendqëndrim nga kamioni me targa 31BNJS C rimorkie me targa OR48VZ.
Gjatë kontrollit të detajuar të këtij kontenieri janë zbuluar dhe sekuestruar 446 pako me lëndë narkotike, të llojit kokainë të fshehura në trupin kontenierit. Për këtë ngjarje janë arrestuar dy shtetas me shtetësi holandeze Roelof den Otter dhe Dirk Evert Buijtenhuis.
Kontenieri ka qenë i llojit frigoriferik me num identifikimi SUDU8014925, i kyçur me vula kyçëse. Gjatë kontrollit, autoritetet ligjzbatuese Holandeze kanë gjetur në brendësi të kontenierit edhe nj vulë kyçëse të pa mbërthyer.
Transporti detar i këtij kontenieri identifikuar si kompa “Maersk”, anije që ka kryer transportin detar quhej “Brani” dhe kontenieri ishte ngarkuar në portin detar të Guayaquil në Ekuador.
Bashkëlidhur këtij informacioni janë dërguar foto të kontenierit, ku është sekuestruar lënda narkotike, fotografi të vendit të fshehtë, ku është gjetur lënda narkotike dhe fotografi të pakove me lëndë narkotike.
Prokuroria e Posaçme me qëllim dokumentimin e këtij fakti ka këqyrur dhe analizuar komunikimet e kryera në aplikacionin SkyECC të dërguara nga autoritetet franceze të drejtësisë.
Referuar bisedave të realizuara nga përdoruesit e SkyECC midis datave 9 nëntor 2021 dhe 4 shkurt 2021, konkretisht bisedave të zhvilluara mes Ismail Zeneli (HFNERI, Q3QNV9) me nofkën “Daja”, Dajloki” dhe “Transporter”.
Eralbi Breçani me nofkën “Boli” ose “Toni”.
Besmir Murtati (V6FGL7) me nofkën “Kukësi” dhe përdoruesit të paidentifikuar (D**P) me nofkën “Elb” ose “Elb Nissan”.
Nga komunikimet del në pah bashkëpunimi ndërmjet këtyre personave dhe funksionimi i tyre si një grup i strukturuar kriminal me qëllim trafikimin e narkotikéve.
Evidentohen rolet e secilit për realizimin e trafikimit të narkotikëve nga vendet e Amerikës së Jugut në drejtim të portit të Antwerpit, Belgjikë dhe Roterdamit, Hollandë.
Më konkretisht roli i secilit prej të dyshuarve në kryerjen e veprave penale është si më poshtë:
Ismail Zeneli ka pasur rolin e porositësit dhe financuesit për blerjen e lëndës narkotike në vendin e origjinës. Gjithashtu, shtetasi Ismail Zeneli ka patur rolin e sigurimit të daljes së lëndës narkotike nga porti i Valencias në momentin kur ajo arrin në këtë port e transportuar me kontenier.
Eralbi Brecani ka pasur rolin e porositësit dhe financuesit për blerjen e lëndës narkotike në vendin e origjinës. Gjithashtu, për shkak të kontakteve me persona me nacionalitet të huaj dhe kryesisht në Amerikën e Jugut ka krijuar lidhje ndërmjet tyre dhe anëtarëve të tjerë të grupit që kanë udhëtuar në këto shtete me qëllim organizimin e aktivitetit të paligjshëm të trafikimin të narkotikëve, )
Shtetasi Besmir Murtati ka pasur rolin e porositësit dhe financuesit për blerjen e lëndës narkotike në vendin e origjinës (Brazil).
Përdoruesi i Sky ECC D**p ka pasur rolin e kontaktimit të personave me nacionalitet të huaj kryesisht nga Amerika e Jugut me qëllim sigurimin e lëndës narkotike; pritjen e shumave të parave të dërguar nga anëtarë të tjerë të grupit në vendet e Amerikës së Jugut; blerjen e sasive të ndryshme të narkotikëve me këto para dhe organizimin e punës për futjen e lëndës narkotike në konteniere me qëllim trafikimin drejt vendeve të BE-së.
Nga hetimet paraprake të kryera deri në këto momente rezulton se janë kryer këto komunikime:
Me datë 9 nëntor 2020, në orën 12:01 dhe 14:32 Ismail Zeneli duke përdorur HFNERI komunikon me përdoruesin e S7DEGI, i identifikuar si Eralbi Breçani.
Ata dyshohet se diskutojnë rreth dërgimit të një ngarkese prej 500 kg të llojit kokainë nga Amerika e Jugut drejt Valencias.
Kështu, shtetasi Ismail Zeneli i shkruan dhe i dërgon mesazhe zanore:
“…Po kam fol por mi la për kët javë 100 për qind do bej 500 cop me dysheme, me çanta nuk nisi gjo, me ccyt thue ti. Audiofile: O dajlok se jam në makinë dhe nuk jam duke të shkrujt dot se edhe nuk shof mirë.
Ca me të thënë, po presim këtë javë se ai tha po nisim këtë javë 500 ku di gjo tash. Presim edhe kët javë ça me bo….”
Në datën 17 nëntor 2020, në orën 09:31 deri në 13:00 Ismail Zeneli duke përdorur SKY komunikon me përdoruesin e D**p, i paidentifikuar. Ismaili i shkruan dhe i dërgon mesazhe zanore:
“…Si je. Audiofile: O…F, nga humbe, ca po ben? Audiofile: Ca kutie o daj, je duke bo tavan apo dysheme, si nuk na shkon më lirë. Po mirë mirë, më thuj ca je duke bo, dysheme apo tavan? Ok sa cope do fusesh, Po mire Oooo daku po kuti le that Hapag Loyd e bën dot dyshemen se ishte shume e lehtë. Pyet se ka Dhe nuk e shofin….”.
Bashkëbiseduesit diskutojnë se si do fshehet lënda narkotike në konteiner dhe çfarë sasie do të niset. Kur diskutohet dysheme apo tavan, janë veprime ku krijohet dysheme e dyfishtë apo tavan i dyfishtë, në të cilin vendoset lënda për të mos u gjetur nga agjencitë ligjzbatuese.
Me datë 19 nëntor 2020, në orën 10:14 deri në 10:47 Ismail Zeneli duke përdorur HFNERI komunikon me përdoruesin e D**P, i paidentifikuar.
Ismail Zeneli i shkruan dhe i dërgon mesazhe zanore:
“. Diqka daje. Si je ti. Diqka. Ok Fol. Audiofile: Po sa janë o daj, qysh janë, ca janë? Na co një herë të dhënë masandej po foli. Po ti e din se kur është kështu, nuk e di se sa do tna marrin. Po ishalla marrin përsipër dhe e bëjnë si punë. Ndryshe ngelim, ca me të thënë zdi ca me të thënë.
Po mi co të dhënat edhe po flas me to edhe të shof sa po na kërkojnë. Audiofile: Njerëz jemi, tash po shofim a e marrin për sipër apo se marrin.
Njerez kemi, 2-3 grupe që mund ti pyesim, tash të them dhe flasim. Audiofile: Po mos I thuj njeriu edhe shofim se ca po bëjmë. Audiofile: Po mirë o daku, më kalo të dhënat, nuk ja kalo njeriut, do tja tregoj direct personit tim, a bën gjo apo zbën. Dhe po na e morën për sipër e marrim, e bajmë, po se morën skam ca me të bo.
Tash ti e din, shif vetë e më thuy. Audiofile: Mi nis tani, edhe shofim se ca po bëjm. Daku Ok Audiofile: Daku mi kalo 7-8 kutia ose 10 kutia, që të jetë edhe kutia jote aty në mes, edhe tja kaloj unë kryne shokve edhe tju them këto kut ia këtu që janë transit, I bëjmë dot edhe të shikojmë ca po më thonë.
Audiofile: Për një orë shkoj tek shpia, një orë ose një orë e gjys se e kam në ship edhe të marr dhe flasim nga aty. Ok Thuj po bohet….”.
Ismail Zeneli i ka treguar rreth mundësive që ka ai për të nxjerrë lëndën narkotike nga konteninerët.
Me datë 20 nëntor 2020, në orën 13:20 Ismail Zeneli duke përdorur HFNERI komunikon me përdoruesin e D**P, i paidentifikuar. Ismail Zeneli i dërgon mesazhe zanore:
“…. audiofile Daja një pyetje të shpejtë, e dua unë për veten time, kutia cfarë kutie eshtë? Cfare kompanie është kutia? Audiofile: kutia që ka gjërat në të, cfarë kutie është, më thuy? Audiofile: MSC është anija dhe MSC eshte edhe kutia?…”./ Elton Qyno
