Sylvinho ka pranuar të marrë pasaportë shqiptare.
Lajmin e ka zbuluar nëpërmjet një videoje ministri i Brendshëm, Taulant Balla, së bashku me trajnerin e Kombëtares.
Nga Samiti i Diasporës që po zhvillohet në Pallatin e Kongreseve, Sylvinho pranon se është qytetari më i ri i Shqipërisë, teksa në video dëgjohet “puro shqiptar”, duke nënkuptuar se do jetë me nënshtetësi shqiptare.
Pas suksesit dhe pjesëmarrjes së Kombëtares në Euro 2024, duket se Sylvinho po merr një bonus me pasaportën. Diçka e tillë ka ndodhur edhe me Giovanni De Biasin, ish-trajnerin që në 2016 mori pasaportën shqiptare pasi siguroi Euro 16 në Francë.
