Gianni De Biazi po rikthehet si një nga emrat më të përfolur momentalisht në botën e futbollit.
Trajneri pak ditë më parë u largua nga kombëtarja e Azerbajxhanit dhe për të mund të ketë një interes nga Kombëtarja e kosovës.
Italiani megjithatë momentalisht është pa ekip dhe po jep komentet e tij për mediat italiane në lidhje me këto kualifikuese.
Pasi dha mendimin e tij për Kombëtaren italiane, trajneri foli dhe për kualifikimin e Shqipërisë ku u shpreh se e kishte parashikuar prej kohësh këtë rezultat.
“I pata thënë presidentit Duka, pas hedhjes së shorit, që me siguri do të kualifikoheshin si të parët ose si të dytët në grup, mendoj se jam një profet i mirë. Është një skuadër e fortë, me lojtarë interesantë, me 6-7 lojtarë që luajnë në Serie A, të tjerët në Evropë, është një skuadër me vlera teknike interesante” u shpreh ish-trajneri i Kombëtares shqiptare.
