Ditën e sotme përcillet për në banesën e fundit mjeshtri i madh i humorit, Zef Deda. Shkodra i jep sot lamtumirën njeriut që i fali aq shumë buzëqeshje edhe në ditët më të vështira.
Në orën 09:00 Teatri “Migjeni’ që ishte shtëpia e tij e dytë hapi dyert për të pritur miq, të afërm, aktorë dhe artëdashës që duan t’i bëjnë nderimet e fundit aktorit.
Mes tyre aktori ishte dhe Agron Llakaj, i cili i përlotur u shpreh se “kjo ikje e parakohshme, la pas të qeshura! Trupa e humorit shqiptar është e shumta në qiell se sa në tokë” tha Llakaj.
Homazhet do të mbahen deri në orën 13:00 kur kortezhi do të niset për ta përcjellë për në banesën e fundit.
Sot i jepet lamtumira e fundit mjeshtrit të humorit, Zef Deda
