Katër persona janë arrestuar në Pakistan , duke përfshirë një burrë të akuzuar për vrasjen e vajzës së tij 18-vjeçare pas një informate nga pleqtë e familjes sepse ajo u shfaq në një video të postuar në mediat sociale.
Mediat e huaja thonë se 18-vjeçarja, e cila është viktima e fundit e të ashtuquajturave vrasje nderi në vend, u qëllua dhe u vra nga babai i saj javën e kaluar në Pakistan.
Babai i saj, i quajtur Arslan Mohsin, dhe tre të afërmit e saj u arrestuan dhe u dërguan në gjykatë, ka thënë zyrtari i policisë Masood Khan për Reuters, duke shtuar se arrestime të tjera ishin të pashmangshme.
Çdo vit, qindra gra në Pakistan janë viktima të krimeve të nderit të kryera nga të afërmit që pretendojnë se po veprojnë në mbrojtje të nderit të familjes, sipas grupeve të të drejtave, zakonisht në zonat thellësisht konservatore rurale të vendit.
Postimi i fotove dhe videove të grave konsiderohet një temë tabu në zonat fisnore.
Ligjvënësit në Pakistan kanë bërë thirrje që vrasësit e dyshuar të së resë të ndëshkohen ashpër, ndërsa grupet e të drejtave të njeriut kanë shprehur shqetësimin për dështimin e vendit për të shuar krime të tilla.
