Gjermani do të dërgojë edhe 150 trupa shtesë te misioni i NATO-s në Kosovë, KFOR deklaroi kryediplomatja gjermane Ana Baerbock.
Këtë lajm ajo e bëri të ditur pas takimit të Ministrave të Jashtëm të NATO-S, duke përmendur se paqja në pallkan varet nga një fije peri.
“Paqja shpesh varet nga një fije në Ballkanin Perëndimor. Angazhimet e NATO-s dhe të BE-së janë të koordinuara: të EUFOR, misioni, siguron stabilitetin në Bosnjë dhe Hercegovinë dhe KFOR në Kosovë. Gjermania do të kontribuojë deri në 150 trupa shtesë për KFOR-in”, thuhet në njoftim.
Gjithashtu Baerock evidentoi përpjekjet e vazhdueshme për destabilizimin e Ballkanit.
“Veçanërisht në Ballkanin Perëndimor, aktorët po përpiqen vazhdimisht të destabilizojnë. Kjo nuk ndikon vetëm në situatën në kufirin Kosovë-Serbi, por edhe në situatën në Bosnje dhe Hercegovinë. Jo vetëm NATO, por veçanërisht BE-ja është një nga garantuesit e sigurisë në Ballkanin Perëndimor. Bashkimi Evropian është sigurimi ynë i jetës. NATO na siguron sigurinë në këtë zonë evropiane. Kjo është arsyeja pse shkëmbimi dhe bashkëpunimi janë kaq thelbësore. Angazhimet e NATO-s dhe BE-së shkojnë paralelisht: për shembull me EUFOR në Bosnje dhe Hercegovinë dhe NATO KFOR në Kosovë”, tha ajo
