Lidhur me tragjedinë e Gërdecit janë marrë në pyetje 2 dëshmitarë në procesin gjyqësor në GJKKO.
Dy dëshmitarët ishin Bardhyl Hoxha, ish-Drejtor Logjistike në Ministrinë e Mbrojtjes në 2008, dhe Sadik Sula, ish-ushtarak i cili ka punuar në këtë depo.
Sadik Sula një ish-ushtarak i dalë në pension dëshmoi se ky ishte një gabim njerëzor ndërsa shtoi se atje nuk kishte parë asnjë zyrtar shtetëror. Ai tregoi se ka punuar aty për dy javë pasi ishte në gjendje jo të mirë ekonoimke.
Në fillim nga prokurorët e çështjes u njoh nga një memo të përpiluar prej tij në dhjetor të 2006, ku i ishte kthyer një përgjigje nga drejtoria e logjistikës një fax-i të ardhur nga kompania amerikane, SAC. Ajo propozonte që demontimi i municioneve të bëhej në Bërzhitë.
Në dëshmi Hoxha deklaroi se licencimi nuk ishte ndonjë akt u veçantë por merrej parasysh gjendja e depos, rrethimi me tela me gjemba dhe izolimi. Në këto kushte, Bërzhita i plotësonte këto kushte.
