Ish-ministri i Shëndetësisë, Ilir Beqja është paraqitur në SPAK pasditen e sotme në orën 15:30. Nuk qëndroi shumë. Sapo kreu procedurën e paraqitjes u largua. Gazetarët i ngritën “pritë” për ta pyetur, por nuk pranoi që të fliste duke u larguar.
Në vendimin e gjykatës së posaçme pak ditë më parë Erjon Bani përcaktoi që Beqja duhet të paraqitej para OPGJ-së cdo të premte në orën 15:30.
Gjithashtu sipas këtij gjyqtari, Beqja duhet të arrestohej pasi ka bërë shkelje më të rënda se ish-zv/ ministri dhe biznesmeni që fitoi koncesionin që janë në qeli.
Por prokurori i SPAK-ut, Edvin Kondili e shpëtoi duke e lënë në liri. Ish-ministri po hetohet për shpërdorim detyre për koncesionin e sterilizimit.
