Në një intervistë për gazetën greke Kathimerini një ditë para mbërritjes në Athinë, presidenti turk Rexhep Tajip Erdogan diskutoi disa çështje që kanë të bëjnë me marrëdhënet greko-turke.
“Miku im Kyriakos, ne nuk të kërcënojmë, nëse nuk na kërcënon”, është mesazhi që Erdogan do t’i përcjellë kryeministrit grek gjatë takimit të tyre të ardhshëm.
Presidenti turk kërkon të hapë një “faqe të re” në marrëdhëniet e 2 shteteve, bazuar në parimin “win-win”.
Erdogani foli dhe për referimin e çështjes së shelfit kontinental ku shprehu se kjo çështje ka probleme të ndërlidhura që duhen diskutuar në mënyrë gjithëpërfshirëse.
