Gjykata e Apelit ka vazhduar të lërë në fuqi masën për burgim të përjetshëm për Koço Buzon i cili vrau para 2 vitesh gruan e tij, Lijana Buzo pasi donte të divorcohej.
Ngjarja e rëndë ka ndodhur në 6 maj 2021 pas seancës gjyqësore për procesin e divorcit mes tyre. Autori i krimit nuk ishte paraqitur në seancë dhe po priste me një thikë dhe kallashnikov në dorë jashtë Gjykatës së Elbasanit.
Ai e goditi fillimisht me thikë ish bashkëshorten dhe më pas e qëlloi 7 herë me kallashnikov pas shpine, duke e lënë të vdekur në vend nënën e 3 fëmijëve të tij.