Janë zbardhur detaje të reja në lidhje me plagosjen me armë që ndodhi ditën e hënë në Shkodër.
Një ngjarje ku i plagosur mbeti Aleksandër Curaj, dhe ndaj tij dyshohet se ka qëlluar me armë Dedë Bici, i cili është ende nën kërkim.
Autori i dyshuar pasi kreu plagosjen u largua me një biçikletë nga zona e këmbimit valutor por arriti që t’i shpëtojë ndjekjes së policisë.
Mësohet se i plagosur Aleksandër Curri dhe autori i plagosjes së tij Dedë Bici kanë pasur lidhje familjare midis tyre, kjo pasi Curaj është nipi i baxhanakut të Bicit.
Aleksandë Curaj i kishte një borxh parash Dedë Bicit, borxh të cilin ky i fundit kërkonte prej disa kohësh që t shlyhej, çka ka sjellë dhe konfliktin midis dy personave.
Fillimisht konflikti ka nisur dhe dhunë fizike ndaj njëri-tjetrit, ku Curaj dhe Bici janë qëlluar me grushte, një polic i cili në atë moment ishte civil ka ndërhyrë dhe i ka ndarë, por Bici dhe Curaj i kanë thënë policit se do ta zgjidhin midis tyre pasi kanë një problem lekësh.
Pak minuta pas largimit të policit Dedë Bici ka nxjerrë pistoletën dhe ka qëlluar 4 herë drejt 40-vjeçarit Aleksandër Curaj, i cili mbeti i plagosur rëndë, edhe pse u dërgua në spital për të marrë ndihmën dhe trajtimin e duhur ai nuk është ende jashtë rrezikut për jetën.
Dy prej plumbave që mori Curaj e kanë goditur në pjesën e gjoksit.
Ndërkohë policia vendore e Shkodrës vijon punën për arrestimin e autorit të dyshuar që u largua me një biçikletë në mes të qytetit dhe për zbardhjen e plotë të kësaj plagosje të ndodhur në orën 9:00 të 18 dhjetorit.
