Dita e sotme solli një fatkeqësi të madhe për familjen Tofaj nga Juniku. Pronari I fabrikës “Juniku”, Mic Tofaj dhe bashkëshortja e tij Fatlinda Maloku gjetën të vdekur në një shtëpi banimi në bjeshkët e Junikut.
Vdekjen e çiftit e ka konfirmuar ekipi mjekësor në vendin e ngjarjes, teksa sipas informacioneve të para, shakatar dyshohet të ketë qenë rryma.
Për rastin tragjik ka reaguar edhe Komuna e Junikut përmes një shkrimi në ‘Facebook’, ku i ka shprehur ngushëllime familjarëve të viktimave.
Postimi i plotë i Komunës së Junikut:
“Me dhimbje të thellë e pranuam sot lajmin tragjik për humbjen e parakohshme të Mic Tofaj dhe bashkëshortes së tij Fatlinda Maloku Tofaj. Ngushëllime familjes Tofaj dhe familjes Maloku për humbjen e papritur të më të dashurve të tyre. Micin dhe Fatlindën, Juniku do t’i kujtoj përgjithmonë si familje shembullore, mbi të gjitha si persona me virtyte të larta njerëzore por edhe si ndërmarrës të suksesshëm dhe junikas të cilët kanë kontribuar aq shumë për Komunën e Junikut”.
