Ylli Limani këngëtari i famshëm shqiptar së fundmi ka publikuar albumin e tij të radhës të titulluar “Tjetër” i cili është mirëpritur shumë nga fansat.
Në çdo rrjet social vihet re se nuk mungojnë komplimentat dhe lavdërimet ndaj këngëtarit.
Në youtube ka komente të tilla si: “Melodi shpirti! Unik në muzikën shqiptare”; “Ah, ta dish ti Yll sa me fat jemi që kemi një artist si ti”; “Asnjëherë nuk zhgënjen me këngët e tua”; “Perlë”; “Albumi më i mirë që mund të dëgjosh”; “Thjesht e pastër, talent je Ylli! Faleminderit për këtë dhuratë Krishtlindjeje! Zoti të bekoftë!”; “Si një dhuratë për festa”; “U dashurova me albumin, me këngët, tekstet, muzikën”; “Albumi me këngët më të bukura”; “Art i pastër. Kjo është vlerë”; “Faleminderit që na dhuron këngë kaq të bukura” etj.
Artisti i njohur ka publikuar 12 këngë të reja të cilat bëjnë pjesë në albumin e tij.
“Premtoj lot & gëzim,” shkroi Ylli në Instagram kur na bëri me dije se do të sillte një album të ri.
