Katër gola dhe tre asistime në La Liga, Mason Greenwood ka rilindur në Spanjë.
Sulmuesi 22-vjeçar ka marrë Getafen mbi shpatulla dhe Manchester United tashmë ka vendosur ta shesë atë përgjithmonë verën e ardhshme.
Ai do të qëndrojë i huazuar deri në fund të sezonit, më pas do të shihet se cilat klube janë të interesuara për anësorin e djathtë anglez.
The Sun siguron se Greenwood është kthyer në vëmendjen e emrave të mëdhenj. Tashmë përflitet shumë se Barcelona do të ishte e gatshme t’i ofronte atij fanellën me numrin 10, duke vënë në tavolinë një ofertë prej rreth 45 milionë euro.
Megjithatë katalanasit e kanë të vështirë të shkojnë kaq larg, duke pasur parasysh situatën jo shumë të lumtur financiare, por një shitje e majme e Ansu Fatit, i cili momentalisht luan në huazim tek Brighton, mund të lejonte transferimin e anësorit anglez.
