Prej disa ditësh qarkullojnë zëra në mediat britanike se Armando Broja është drejt një largimi nga klubi i Chelsit.
Sulmuesi i Kombëtares shqiptare nuk ka pasur një minutazh të lart në këmbët e tij, shpesh herë i parë si zëvendësuesi i Jackson.
Megjithatë 22-vjeçari nuk mund të thuhet se ka dhënë paraqitje të mira dhe në minutat kur ka luajtur, duke ulur ndjeshëm pritshmëritë e drejtuesve të klubit dhe tifozëve ndaj tij.
Sulmuesi i Kombëtares shqiptare ka mundësinë sonte që të tregojë veten sesa vlen dhe të bindë drejtuesit e Chelsit për ta mbajtur në ekip, duke e hequr nga lista e mundshme e transferimeve në merkaton e janarit.
Këtë gjë Broja mund ta tregojë në ndeshjen e Kupës FA ku Çelsi në shtëpi pret skuadrën e Prestonit, që militon në Championship.
Trajneri Poçetino e ka zgjedhur titullar 22-vjeçarin shqiptar, ku shpreseoht që sot të vijë edhe shpërthimi i tij. Të dy trajnerët kanë vendosur për formacionet e këtij takimi.
