E ardhmja e opozitës ishte tema kryesore e emisionit mbrëmjen e sotme në emisionin “5Pyetjet nga Babaramo”. Drejtuesi i Lëvizjes “Shqipëria Bëhet” Adriatik Lapaj u shpreh se në 30 vite kjo elitë që është edhe aktualisht i ka prerë filizat e rinj që në fillim prandaj jemi në këtë gjendje.
“Duke mos pasur rregulla që prodhojnë elitë, janë prerë lisat që në fillim. Mungesa e garës ka çuar në zgrip të vendit totalisht. Drejtësia e sotme edhe pse nuk është fort e bukur për ata që nuk u pëlqen është më e mirë se ajo që kishim. Ka vonesa. Por është e pakrahasueshme me atë që ishte dje.
Ne kemi pasur një drejtësi ku në Vlorë ku një gjyqtar në tavolinë, i thotë kolegut ndihmojë filanin, ky i thotë, ndonjë lek, ky i thotë, nuk ka por jepi drejtësi, por me cfarë merret, mekanik, epo mirë, thuaji të bëjë katër goma. Kjo është drejtësia që ishte dje. A mund të bëhet më e mirë, po” tha ai.
