Autoritetet serbe arrestuan pak ditë më parë në Merdarë, ish-ushtarin e UÇK-së, Hasan Dakaj të cilit i është përcaktuar masa e paraburgimit për një muaj në Serbi.
Avokati i tij, Xhevdet Smakiçi e ka konfirmuar masën e dhënë dhe se do të apelojë vendimin.
“Ai ndodhet në Beograd në qendrën e paraburgimit nga Kushumli e kanë dërguar. Mbrëmë vonë unë kam marrë informacion nga avokati i caktuar nga shteti serb që i është caktuar masa e paraburgimit prej 30 ditësh dhe tash ka me ushtruar ankesë”, u shpreh Smakiçi.
Nga Prokuroria serbe pretendohet se Dakaj ka kryer krime lufte si në vitin 1999 kur ai ishte 19 vjeç.