Presidenti francez Emmanuel Macron emëroi të martën Gabriel Attal si kryeministrin e ri të Francës, si pjesë e një riorganizimi të kabinetit përpara zgjedhjeve parlamentare evropiane më vonë gjatë vitit.
Attal ka qenë më parë ministër i Arsimit i Francës. 34-vjeçari u zgjodh për rolin drejtues pasi kryeministrja e mëparshme franceze, Elisabeth Borne, dha dorëheqjen të hënën.
Kryeministri i ri do të jetë më i riu në historinë moderne franceze, si dhe i pari homoseksual që do të mbajë postin.
Attal ka gëzuar një popullaritet të dukshëm në mesin e francezëve që kur mori detyrën në Ministrinë e Arsimit, më pak se gjashtë muaj më parë, dhe tani do të jetë përgjegjës për rigjallërimin e mandatit të dytë të Macron.
Si ministër i Arsimit, ai nisi disa reforma të rëndësishme dhe detyra e tij kryesore tani do të jetë të përballet me detyrën e konsolidimit të mazhorancës, e cila është dobësuar nga reagimet ndaj një ligji të imigracionit.
Kush është kryeministri i ri i Francës i deklaruar si pjesë e komunitetit LGBT
