Një ngjarje e çuditshme ka ndodhur në Vlorë ku një person i cili nuk është identifikuar ende nga policia ka thyer me sende të forta ose me gurë, xhamat e pasme të katër makinave.
Ngjarja ka ndodhur në lagjen “28 Nëntori” ku bëhet me dije se automjetet kanë qenë të parkuara përballë bibliotekës “Shefqet Musarai”. Dy prej mjeteve janë të llojit ‘Benz’, një prej tyre me targa të huaja.
Dy mjete të tjera janë larguar nga vendi i ngjarjes mëngjesin e sotëm. Ndërkohë, grupi hetimor ka sekuestruar kamerat e sigurisë që ndodheshin në vendin e ngjarjes, për të bërë të mundur identifikimin e autorit/ve.
