Autoritetet meksikane konfirmuan arrestimin të enjten në Nuevo León të José Alberto García Vilano, alias “La Kena”, i konsideruar si një nga drejtuesit e Kartelit të Gjirit, një grup kriminal që konkurron për dominimin e trafikut të drogës në rajon me Jalisco Nueva Generacion.
Kapja e “La Kena” u bë në një qendër të njohur tregtare në komunën Monterrey, në shtetin e Nuevo Leon, shkruan BBC. Garcia Vilano konsiderohet “një nga arkitektët kryesorë të dhunës që godet verilindjen e vendit”, dhe ndër të tjera ai akuzohet edhe për rrëmbimin e pesë shtetasve amerikanë në Matamoros në vitin 2023.
Arrestimi i bosit të Kartelit të Gjirit, raportojnë autoritetet, ka ndodhur pa rezistencë dhe momenti është kapur dhe publikuar në rrjetet sociale nga disa dëshmitarë.
