Ministri i Jashtëm turk Hakan Fidan nga Tirana në krah të homologut të tij, Igli Hasani deklaroi qartë dhe hapur se i kërkoi ministrit të Shqipërisë që pastrojë edhe “mbetjet e fundit të organizatës FETO”.
“Ne diskutuam me kolegun tim edhe për pastrimin e fundit të mbetjeve të fundit të FETO-s në Shqipëri, treguam ndjeshmërinë që ka Turqia dhe çfarë hapash mund të hidhen konkretisht për këtë” tha ai.
Hakan Fidan mbërriti pasditen e së dielës në Tiranë ku ndalesa e tij e parë ishte në Xhaminë e Namazgjasë.
I shoqëruar nga delegacioni, ministri turk e vizitoi, por asnjë mysliman shqiptar, imam nga Komuniteti Mysliman Shqiptar, nuk e shoqëruan.
Xhamia mbetet peng, nuk është inauguruar dhe kjo duket se lidhet me kushtin, që Fidan e cilësoi “mbetet e fundit të FETO-s”.
