Gjykata e Apelit ka rrëzuar vendimin e marrë nga Gjykata e Shkallës së Parë Lezhë, vendim i marrë në 30 janar.
Gjykata e Lezhës vendosi masën e sigurisë “Pezullim i ushtrimit të një detyre a shërbimi publik” për 11 punonjës të Kadastrës së Lezhës.
Mbi ta qëndron akuza për moszbatimin e një vendimi gjyqësor për të kthyer në tokë shtet 234 mijë metra katrorë të tjetërsuar në zonën e Ranës së Hedhur në Shëngjin. Albana Gjinaj, Marinela Tuci, Orstela Bardhaj, Sebastjano Gjetja, Besjon Ivanaj, Ornela Marku, Eglantin Lleshaj, Dorina Sulaj, Xhentil Gjegji, Vitore Lleshi dhe Diljana Prenga akuzoheshin për kryerjen e veprës penale “Mosekzekutimi pa shkaqe të përligjura i vendimit të gjykatës”.
Gjykata e Apelit vendosi që ata të rikthehen në detyrë.
