Udhëheqësit e vendeve të Ballkanit Perëndimor dhe përfaqësues të Komisionit Europian dhe institucioneve financiare ndërkombëtare u mblodhën sot në Tiranë për të diskutuar rreth Planit të rritjes që Komisioni Europian ka ofruar për rajonin.
Bëhet fjalë për 6 miliardë euro të vëna në dispozicion për të sjellë disa prej përfitimeve të anëtarësimit në BE në rajon përpara anëtarësimit, për të nxitur rritjen ekonomike dhe për të përshpejtuar konvergjencën shumë të nevojshme socio-ekonomike mes vendeve të rajonit dhe Bashkimit Europian.
Qëllimi është që në thelb, t’u mundësohet vendeve të Ballkanit Perëndimor, që të përshpejtojnë reformat dhe investimet për të zmadhuar shpejtësinë e procesit të zgjerimit dhe rritjen e ekonomive të tyre.
Por sa kapacitete kemi ne, a janë këto grande apo kredi me interesa të vogla, çfarë projektesh mund të fitojmë dhe mbi të gjitha a është i mundur parashikimi i komisionerit Varheli për dyfishim të rritjes ekonomike të vendeve të Ballkanit Perëndimor? Të gjitha këtyre pyetjeve, por edhe të tjerave, si zona e përbashkët e pagesave në Euro u dha përgjigje në një intervistë për “5Pyetjet.al” eksperti i ekonomisë zoti Eduart Gjokutaj.
