Një polemikë ka shpërthyer në Manastirin e Shenjtë të Shën Habakukut në Fterikoudi në Qipro, duke përfshirë gjithçka nga vëzhgimi dhe regjistrimi me video i adhuruesve deri te marrëdhëniet seksuale mes murgjve.
Në qendër të skandalit është gjithashtu zbulimi i një kasaforte me 800,000 euro dhe prona në Pire dhe Limasol, të cilat besohet se janë në pronësi të dy anëtarëve të manastirit.
Autoritetet po hetojnë nëse këto fonde janë nxjerrë nga donacionet e besimtarëve.
Rasti mori një peshë të shtuar pas zbulimit të akteve seksuale mes dy murgjve, të kapur nga kamerat që dyshohet se ishin instaluar nga vetë murgjit.
Këto pajisje thuhet se janë vendosur për të monitoruar individët që hyjnë dhe dalin nga një zyrë brenda manastirit dhe një dhomë që përdoret si dhomë gjumi.
Siç raporton philenews, murgjit e implikuar kanë kërkuar të shkarkohen nga detyra, kërkesë kjo që pritet të trajtohet në një seancë të Sinodit të Shenjtë.
Çështja është planifikuar për zgjidhje të shpejtë përmes procedurave të përshpejtuara, përveç nëse ka thirrje nga Sinodi i Shenjtë për një informim gjithëpërfshirës.
Ky skandal, fillimisht pati tentativa për fshehje, por këto përpjekje përfundimisht dështuan. Ky incident shënon rastin e dytë të një kleriku që kërkon shkarkimin, raporton philenews.
