Në pranga është vënë një tjetër person në Korçë. Mësohet se nga kontrollet në një banesë në fshatin Vloçisht janë gjetur më tepër se 10 kg drogë, e ambalazhuar gati për shitje.
Droga i përket një personi të dënuar më parë për të njëjtën vepër penale, ndërsa dyshohet se ka lidhje me operacionin e mesditës së sotme. Operacioni vijon.
Më herët raportuam se në pikën kufitare të Kapshticës u kap një makinë ku brenda saj u gjetën më shumë se 40 kg drogë, e llojit kanabis.
Burime bënë me dije se droga ishte përshtatur në shasinë e mjetit tip “Audi Q7”, ndërsa ka disa persona të shoqëruar në drejtorinë e policisë, të cilët dyshohet se janë bashkëpunëtorë.
Mësohet se drejtuesi i mjetit është arrestuar, ndërsa po bëhen edhe kontrolle në automjete dhe banesat e këtyre personave.
