Gjykata e Lartë e Brazilit ka lënë në fuqi vendimin e gjykatës italiane për Robinho, ish-ylli brazilian i cili u shpall fajtor për përdhunimin e një vajze shqiptare në 2013-tën.
Ish-futbollisti i njohur i Real Madridit, Manchester Cityt dhe Milan, u fsheh për shumë kohë pasi gjykata në Itali e dënoi me 9 vjet burg.
Një gjykatë e Milanos në vitin 2017 shpalli Robinhon dhe pesë brazilianë të tjerë fajtorë për përdhunimin në grup të një gruaje shqiptare 22-vjeçare pasi e kishin dehur në një klub nate në vitin 2013.
Dënimi u konfirmua nga një gjykatë e Apelit në vitin 2020 dhe u vërtetua plotësisht nga Gjykata e Lartë e Italisë në vitin 2022.