Kreu i Partisë për Drejtësi Integrim dhe Unitet, Shpëtim Idrizi ka qenë pjesëmarrës në përvjetorin e 111-të të masakrës së Selanit.
Ai u shpreh se Greqia ka kryer një gjenocid të programuar në zonën e Çamërisë.
“Ishte një sinjal i qartë për popullsinë që duhet të largohej nga Çamëria. Spastrimi etnik nga Greqia vazhdoi për 30 vjet. Greqia ka kryer gjenocid të programuar në zonën e Çamërisë. Ky gjenocid është shoqëruar edhe me spastrim etnik ku 90% e popullsisë u shpërngul. Kjo ka qenë një vepër e planifikuar, jo e rastësishme. Nëse ata dhe kush mendon si ata mendon nëse ja arriti qëllimit, të zhduknin Çamërinë, ne jemi këtu pasardhës të gjallë të atyre dhe nuk harrojmë dhe Çamëria është e gjallë dhe në këmbë dhe do të ekzistojë deri sa të jetë edhe çami i fundit”, u shpreh ai.
