Drejtori i Policisë së Tiranës, Tonin Vocaj ka reaguar për herë të parë vetë për rastin e skandalit ka ndodhur mëngjesin e datës 20 Nëntor 2023, në mes të Tiranës, ku burri i ministres Delina Ibrahimaj qëlloi me thikë drejtorin e Përgjithshëm të Agjencisë së Trajtimit të Kredive (ATK) Eri Koshaj.
Rasti në fjalë u bë publik vetëm pak ditë më parë, ndërsa është pranuar edhe nga vetë ministrja Ibrahimaj. “Rasti ka qenë i vitit të kaluar.
Kjo ngjarje nuk futet në ngjarjet sensitive që policia jep njoftim për shtyp. Ne i dorëzuam materialet në prokurori dhe është prokuroria që e ka hetuar këtë çështje.
Është e vërtetë fakti se nuk është bërë e mundur që të kapet menjëherë autori i kësaj ngjarje”, theksoi Vocaj.
