Reali nuk vdes kurrë! Joselu përmbys Bayernin dhe dërgon Los Blankos në finale
Një ndeshje totalisht e çmendur u luajt mbrëmjen e sotme në ‘Bernabeu’, dhe si zakonisht çmenduritë flasin për Realin e Madridit.
Gjermanët e Bayern zbritën në fushën spanjolle me qëllimin e një vendi në finalen e madhe të Londërs, kundër një Reali që nuk pretendonte më pakë. Fakt i parë dhe në pjesën e parë ku vetëm fati i keq dhe Manuel Neuer nuk i lejuan golin spanjollëve mes një dominimi të vazhdueshëm.
Gjithçka u mbyll 0-0 dhe spektakli u rezervua për në pjesën e dytë.
Bayern tentoi elementin surprizë dhe e gjeti. Alhons Davies në një kundërsulm vrastar shënoi një supergol në portën e mbrojtur nga Lunin.
Disavantazh që zgjoi Realin i hedhur menjëherë në kërkim të golit.
I ardhuri nga pankina Joselu shfrytëzoi një gafë të Neuer për të dërguar topin në rrjetë në të 87-tën, dhe vetëm 5 minuta më vonë ishte sërish ai që realizoi një përmbysje tipike madrilene.
Shifrat folën qartë 4-3 për Los Blancos dhe një tjetër finale në katalogun e tyre, ku këtë herë do të përballen me Borusia Dortmund në Londër.
