Drejtuesi i SYRIZAS, Stefanos Kasselaqis ndodhet në Shqipëri. Ai ishte në Dropull por edhe në zonat e tjera minoritare. Theksoi se ishte shumë i ndjeshëm sa i takon problemeve me minoritarët, por vizita ishte e qartë se bëhet për fushatë në prag të zgjedhjeve për PE.
“Falënderoj kryetarin e bashkisë për mikpritjen. U informova për problemet e zonës, për infrastrukturën, mbrojtjen civile, por sidomos për mbrojtjen dhe ndryshimet klimaterike.
U informuam dhe për problemet në arsim sidomos për mjetet didaktike, jam shumë i ndjeshëm në problemet e minoritareve, edhe ne do të mbështesim dhe do të jemi afër banoreve të zonave minoritare.
Jo çdo gjë duhet të politizohet. Jemi afër banoreve të bashkisë Himarë”, u shpreh në fund Kasselaqis.
