Kanë dalë pamjet e fundit të 39-vjeçares Alma Arrazi para se të vetëmbytej në lumin Buna së bashku me 3 fëmijët e saj.
Pamjet filmike janë regjistruar vetëm disa minuta para tragjedisë.
Siç shihet dhe në pamjet filmike Alma Arrazi del nga ambientet e një lokali që ndodhet tek Hyrja e Parkut të Biçikletave. Ora shënon 20:10 dhe Alma është në shoqërinë e tre fëmijëve të saj dhe kunatës, e cila ndodhet edhe ajo me një fëmijë të mitur.
Ajo përshëndetet me kunatën dhe kap për dore djalin e vogël dhe më pas e ndjek vajza e madhe.
Ndërsa në videon e dytë, rreth orës 20:21 Alma Arrazi shfaqet në trotuar së bashku me fëmijët e saj, rrugës që të çon te “Ura e Bunës” së vjetër, në drejtim të “Kishës së Zojës”, Shkodër.
