Një ditë para zgjedhjeve të reja për kryetar që mbahen mesditën e kësaj të shtune në Teatrin Skampa, Partia Demokratike zyrtare në Elbasan ka pasur ‘tkurrje’, pasi kryesia dhe figura të rëndësishme të saj si kryetari, Eugen Isai dhe sekretari, Zamir Muzhaqi kanë dhënë dorëheqjen.
Akti në fjalë, sipas Faxnews vjen në shenjë proteste kundër vendimit për të futur në listën e kandidatëve për kryetar, biznesmenin Naim Meta, figura e të cilit sipas shumicës së demokratëve është i panjohur përsa i përket kontributit në parti, krahasuar me figurat e dorëhequra. Sipas informacioneve brenda Partisë Demokratike në Elbasan ky kandidat po mbështetet fuqishëm nga deputetja Flutura Açka.
