Dy persona humbën jetën dhe pesë rezultojnë të zhdukur kur një anije dhe një varkë u përplasën në Danub pranë qytetit hungarez të Veroca, rreth 50 kilometra në veri të Budapestit, tha policia.
Policia hungareze ka marrë një telefonatë të shtunën vonë se një burrë me lëndime në kokë është gjetur në bregun e Danubit afër Veroces, pas së cilës trupat e një burri dhe një gruaje janë gjetur në breg aty pranë, raporton “AP”.
Sipas portalit index.hu, një kryqëzor dhe një motobarkë janë përplasur.
Policia deklaroi se ka konstatuar se në zonën e aksidentit ndodhej në atë moment një kryqëzor, i cili u ndalua me dëmtime pranë Komaromit, më shumë se 80 kilometra në rrjedhën e sipërme.
Sipas televizionit publik hungarez, një anije hoteli zvicerane me gjatësi 109 metra, e cila mund të strehojë 110 persona, ndodhej në zonën e aksidentit në momentin e përplasjes dhe nuk ka të lënduar.
Sipas informacioneve jozyrtare, nga pasagjerët nuk ka të lënduar, por ekipet e shpëtimit dhe të tjera po punojnë ende në vendngjarje.
Varkat me motor dhe dronët janë në kërkim të të zhdukurve.
