Arkivoli me trupin e pajetë të presidentit iranian, Ebrahim Raisi, dhe personave të tjerë që vdiqën nga rrëzimi i helikopterit më 19, arritën në Teheran më 21 maj. Arkivolet më pas do të dërgohen në qytetin e shenjtë Kom, ku do të mbahen edhe ceremoni të tjera gjatë pesë ditëve të zisë të shpallura nga lideri suprem, Ajatollah Ali Khamenei. Disa ceremoni mortore po mbahen në Iran më 21 maj, pas vdekjes së Raisit, ministrit të Jashtëm, Hossein Amir-Abdollahian, dhe të tjerëve që vdiqën nga rrëzimi i helikopterit në veri të Iranit, në afërsi të qytetit Tabriz.
Pas dërgimit të arkivoleve në Qom, ato do të kthehen sërish më vonë gjatë 21 majit në Teheran, ku do të bëhet varrimi një ditë më vonë. Në Tabriz, kryeqytetin e Provincës Azerbajxhani Lindor të Iranit, ku u rrëzua helikopteri më 19 maj, mijëra njerëz morën pjesë në një ceremoni në kujtim të të vdekurve. Ndërkohë, agjencia shtetërore e lajmeve, IRNA, e postoi në rrjetin social X fotografinë e parë që shfaq arkivolet e Raisit dhe Amir-Abdollahianit.
Autoritetet iraniane i kanë caktuar edhe disa ceremoni të tjera për Raisin. Një e tillë është caktuar për të martën pasdite në qytetin Qom. Ceremoni të tjera do të mbahen në Teheran dhe Birjand më 22 dhe 23 maj, kur Raisi do të varroset në faltoren Imam Reza në qytetin e shenjtë Mashhad, raportuan mediat iraniane. Khamenei e emëroi Mohammad Mokh
