Tre persona janë arrestuar nga Policia në Kavajë pasi janë kapur duke kryer punime të paligjshme.
Sipas të dhënave nga policia tre të arrestuari janë kapur në flagrancë duke kryer punime, pa lejen e organeve kompetente, për ndërtimin e një moli afër stacionit të plazhit në Golem.
Në pranga janë vendosur F. A., 54 vjeç, banues në Shijak, i proceduar penalisht më parë për veprën penale “Ndërtimi i paligjshëm”, G. L., 48 vjeç, banues në fshatin Rrashbull, Durrës, dhe A. Gj., 35 vjeç, banues në Golem.
Janë sekuestruar në cilësinë e provës materiale, 1 kamion dhe 1 ekskavator.
