Bashkimi i dy markave me ndikim global si Real Madrid dhe Kylian Mbappé studiohet në aspektin e marketingut sportiv si një nga operacionet më të mëdha në historinë e futbollit. Përtej shumës së kontratës, bonusit gjigant të nënshkrimit, etj…, klubi ka pasur avantazhin e mospagimit të tarifës së transferimit. Ajo që duket e qartë është se një nga misionet e zyrave të Bernabeut do të jetë aktivizimi i të gjitha formulave për të përfituar nga ardhja e një ikone mediatike të këtij kalibri.
Real Madridi, i aftë pa francezin për të gjeneruar një shifër më të madhe se 400 milionë euro në marrëveshje tregtare, sipas Deloitte në sezonin 2023, mund ta shohë atë shumë të shumëfishuar. Operacione të tjera të mëdha në historinë e Madridit merren si referencë, si ardhja e Cristiano Ronaldos në vitin 2009, i cili pothuajse dyfishoi ndikimin e tij financiar pasi kishte paguar 94 milionë euro për transferimin e tij te Manchester United.
Real Madridi mund të sigurojë “një kthim shumë të lartë investimi, afër 500 milionë”, nëse aktivizohen formulat që lidhen me sponsorizimet, tregtimin, rrjetet sociale… Të ardhurat e Mbappe, të lidhura me marka si Nike, Oakley apo Hublot për sponsorizim, janë rreth 20 milionë në sezon. Lojtari, për të cilin një raport pretendon se çdo publikim në Instagram mund të gjenerojë 85,000 euro, menaxhon të drejtat e tij përmes një biznesi familjar, Mbappé SA, i cili nuk lë vend për improvizim, duke shkuar deri aty sa të regjistrohet në Zyrën e Pronësisë Intelektuale të BE-së nga mbiemri e deri te mënyra e festimit të golave (me krahët e kryqëzuar).
