Ditën e djeshme punonjësit e Policisë së Shqipërisë së bashku me kolegët gjermanë u angazhuan në garantimin e sigurisë dhe mbarëvajtjen e ndeshjes së futbollit Itali-Shqipëri në qytetin e Dortmundit.
Ministri i Brendshëm Taulant Balla me anë të një postim në rrjetet sociale ka falënderuar efektivët e policisë për kontributin e tyre.
“Efektivët e Policisë së Shtetit kanë punuar së bashku me kolegët e tyre gjermanë për garantimin e rregullit dhe sigurisë në Dortmund. Shumë krenar për sjelljen e tifozëve në rrugë dhe në shkallët e stadiumit”, shkruan Balla.
Patrullat e përbashkëta policore kanë mbështetur policinë gjermane duke ndërmjetësuar komunikimin dhe masat policore midis shtetit gjerman dhe tifozëve.