Një sulm i rëndë ka ndodhur në Michigan.
Të shtunën në mbrëmje, Departamenti i Policisë së Rochester Hills tha në një postim në Facebook “Ka shumë njerëz të plagosur”.
Policia fillimisht besonte se nëntë deri në 10 persona ishin qëlluar përpara se të rishikonte numrin në nëntë.
Në një konferencë shtypi, sherifi i kontesë Oakland, Mike Bouchard tha se dy nga viktimat ishin fëmijë. Një djalë 8-vjeçar është qëlluar me plumb në kokë dhe në gjendje kritike, mbrëmjen e së shtunës. Në gjendje kritike ishte edhe nëna e djalit pasi u plagos në këmbë dhe në bark. Vëllai 4-vjeçar i djalit ishte gjithashtu në gjendje të qëndrueshme me një plagë në këmbë, sipas The Associated Press.
Gjashtë viktimat e tjera janë të gjitha mbi moshën 30 vjeç dhe në gjendje të qëndrueshme, sipas Bouchard. Ata përfshinin një çift burrë e grua dhe një burrë 78-vjeçar.
Sherifi i kontesë Oakland, Michael Bouchard tha se të shtënat dukej të ishin të rastësishme.
Bouchard tha se i dyshuari u identifikua si një burrë 42-vjeçar. I dyshuari u mbyll në një park të lëvizshëm në Shelby Township për disa orë pas të shtënave përpara se të vriste veten, tha Bouchard. I dyshuari gjithashtu thuhet se ka jetuar me nënën e tij dhe mund të ketë vuajtur nga probleme të shëndetit mendor.
Sipas Bouchard, të paktën 28 të shtëna u qëlluan dhe oficerët gjetën një pistoletë.
