Deputetja e Partisë Demokratike Jorida Tabaku përmes një raporti në rrjetet sociale shprehet beteja në Gjykatën Kushtetuese për profesionet e Lira është po ashtu një betejë kundër një sistemi të korruptuar fiskal.
Reagimi i Tabakut vjen një ditë përpara se Kushtetuesja të shqyrtojë në seancë të hapur kushtetueshmërinë e ligjit për taksimin e profesioneve të lira.
“Bizneset e reja që po krijohen në Shqipëri janë në përqindje më të ulëtat që nga viti 2010. Sipërmarrjet e reja për vitin 2023 ishin 10.5% e totalit të ndërmarrjeve aktive dhe ky është treguesi më i ulët që nga viti 2010 por dhe në nivelin e pandemisë.
Investimet e Huaja Direkte janë rritur në vlerë por realisht ata janë investime në blerjen e apartamenteve pasi ekonomia e monopolizuar dhe ligjet me porosi të kësaj mazhorance nuk ofrojnë asnjë mundësi investimi serioz”, shkruan Tabaku.
