Në një deklaratë për shtyp kryetarja e komisionit hetimor për Shëndetësinë, Albana Vokshi ka folur për disa probleme qe kanë hasur me informacionet.
Sipas saj Ministria e Shëndetësisë dhe fondi po luajnë Ping-Pong për të fshehur informacionin e nevojshëm për shqyrtim nga komisioni.
“Nuk kanë dhënë përgjigje për provat që i kemi kërkuar, Ministria e Shëndetësisë dhe Fondi bëjnë ping pong me njëri tjetrin.
Fondi edhe pse është paguesi ka kontratën e paguesit, thonë nuk kam dokumentacion dhe kontratë, si bëhen pagesat?
Na thotë adresohuni tek Ministria e Shendetësisë, e cila konsideron përgjigjen e Fondit si përgjigje.
Janë dhjetra shkresa për të cilat nuk është dhënë asnjë informcaion.
Nëse do të refuzojnë të kthejnë përgjigje, kjo do të përbëjë një shpërdorim detyre dhe nga ana e Komisionit dhe deputetëve do të ndërmerren masa për këdo që pengon punën, përfshirë kallëzime penale.” u shpreh Vokshi.
