I ftuar në emisionin “5 Pyetjet”, gazetari Sokol Dema ka folur për vetingun në polici. Ai u shpreh se deri më tani është tentuar që të pastrohet policia por nuk është se ka pasur një rezultat. Dema u shpreh se vetëm SPAK mund t’i hetojë policët thellësisht.
“Është tentuar vitin e kaluar me një formular nëse efektivët kishin përdorur Encro Chat dhe Sky Ecc dhe asnjë nuk e ka pranuar, ka qenë një punonjës i gardës i cili thuhet që e plotësoi gabim.
Me vetëdije të plotë nuk është se ka pasur policë që e kanë pranuar dhe as nga AMP nuk është sjellë asnjë e dhënë tjetër.
Në optikën time është thjesht një përpjeke për të thënë se po përpiqemi të pastrojmë policinë e shtetit. Për mendimin tim vetëm SPAKU mund t’i hetoj thellësisht,” u shpreh Dema.
