Për humbjen e shkrimtarit më të njohur botërisht kanë reaguar edhe mediat ndërkombëtare.
Një ndër to është edhe Agjensia e madhe franceze AFP e cila shkruan se Kadare ishte një dritë e shndritshme në ditët më të errëta të Shqipërisë.
Ata shprehen se Kadare e përdori penën e tij si jë armë të fshehtë për ti mbijetuar diktatorit komunist paranojak të Shqipërisë, Enver Hoxha.
“Tregimi i tij i sofistikuar – shpesh i krahasuar me atë të George Orwell ose Franz Kafka – përdorte metaforën dhe ironinë për të zbuluar natyrën e tiranisë nën Hoxhën, i cili sundoi Shqipërinë nga viti 1946 deri në vdekjen e tij në 1985”, shkruan agjensia AFP.
Ata theksojnë se romanet, esetë dhe poezitë e Kadaresë janë përkthyer në më shumë se 40 gjuhë, duke e bërë atë romancierin më të njohur modern të Ballkanit.
