Pas vendimit të Gjykatës Kushtetuese për Profesionete Lira deputetja e PD Jorida Tabaku i ka kërkuar Ministrisë së Financave që të zbatojë vendimin.
Tabaku përmes rrjetit të saj social është shprehur se personave që kanë paguar taksën për një ligj që është shpallur antikushtetues, qeveria socialiste duhet tu kthejë pagesën.
“Ka 9 vendime që janë në radhë nga kuvendi dhe që nuk zbatohen por në këtë rast ky vendim prek 30 mijë profesionistë të lirë. kështu që kushdo që e ka bërë këtë pagesë duhet t’i kthehet menjëherë, ministria e financave duhet të ndalojë nisjen e njoftimeve por njëkohësisht edhe kamatvonesat që ia nisin përditë bizneseve”, shprehet Tabaku.
Më pas ajo thotë që nëse nuk ndodh kjo atëherë do të prezantojnë një projektligj që do të detyrojë institucionet që të kthejnë pagesat e marra.
