Pal Trashaj, ish drejtues i PD në Lezhë, humbi jetën pasi konsumoi fostoksinë në dyert e SPAK.
“Pal Trashaj ishte mes viktimave të shumta të skandalit të mikrokredive, ku një hua prej 76 mijë lekësh para disa vitesh kishte shkuar në 4.8 milionë lekë, teksa përmbaruesit u kishin sekuestruar pronat dhe pagat.
Për këtë skandal të mikrokredive SPAK shpalli moskopetencë, teksa dosjen e Trashajt ja kaloi Prokurorisë së Lezhës një institucion në degradim për të t’u marrë më çështje të tilla.
Mikrokreditë nuk kanë vetëm viktima financiare, por tashmë edhe në jetë njerëzish. Makrovjedhja me makrokreditë ndodhi me bekim qeveritar, ku me mijëra qytetarë u zhvatën barbararisht nga Bandat e mikrokredive” shkruan Besart Xhaferri.
