Deputeti i PD-së, Oerd Bylykbashi kërkon që të rikthehen koalicionet zgjedhore. Eksperti i çështjeve zgjedhore që përfaqëson opozitën në Grupin e Dialogut deklaroi se qytetarët duhet që të zgjedhin partinë që duan në koalicione.
“Këtë që keni sjellë ju, bashkë e kemi hequr në vitin 2003. Rama është i vetëm dhe do që opozita të fragmentohet sa më shumë. Ne kërkojmë që të kërkohet që të ruhet ajo që ishte rënë dakord në 5 Qershor. Zgjedhësit të zgjedhin partinë që duan.
Rama ka hall se kjo sjell rotacion. Rama në 2013 është në pushtet me formulën e koalicionit, atë që ne po kërkojmë. Sepse me 65 mandate që mori e shihte pushtetin me dylbi. Koalicioni e solli në pushtet. Por pasi kaloi urën, dogji urën” tha ai.
