Ministri i Brendshëm Taulant Balla me anë të një postimi në rrjetet sociale ka reaguar për personat që janë arrestuar për vënien e zjarreve.
Balla tha se gjatë një muaji janë proceduar 17 persona për zjarrvënie..
“Policia e Shtetit po identifikon në shumë raste autorët e zjarreve, të cilat kanë shkaktuar dëme të mëdha në pyje dhe kullota, por që kanë rrezikuar jetën dhe banesat e banorëve”, shkruan Balla.
Ai shprehet se ditët e fundit shërbimi zjarrfikës dhe forcat e armatosura kanë ndërhyrë në shumë vatra zjarri për shuarjen e tyre.
