Deputetja Jorida Tabaku ngriti shqetësimin në Kuvend për ndryshimin e ligjit të armëve për të dytën herë brenda dy muajsh. Ajo theksoi se Kuvendi u mblodh dy muaj më parë me kërkesë të një operatori të shpërndarjes së armëve për të përfshirë dy lloje të reja municionesh në listë.
Tabaku e cilësoi këtë proces si një emergjencë të paqartë, duke pyetur pse tani kërkohet sërish ndryshimi i ligjit nga një operator tjetër. Ajo theksoi se ky ligj, që është i rëndësishëm dhe prek shumë interesa, është gjithashtu i përafruar me legjislacionin e BE.
“Si mund të mblidhemi për kërkesën e një operatori?” pyeti Tabaku, duke kërkuar transparencë mbi arsyet e kësaj situate.
