Nuk është një film. Është e vërtetë. Kylian Mbappé është shfaqur në Bernabeu duke përmbushur kështu ëndrrën e tij të fëmijërisë për të luajtur për Real Madridin. Që në orën e parë atmosfera ishte si ajo e një ndeshje futbolli: radhë, bluza të bardha, dyqane të hapura me shalle.
Bernabéu i ri ishte përgatitur për këtë rast. Me çatinë e mbyllur dhe një ‘Mirë se vini Mbappé’ me një ekran gjigant dhe pesëmbëdhjetë Liga të Kampionëve. Të pranishëm ishin edhe legjenda si Zidane, Raúl apo Santamaría, Solari dhe Arbeloa, familjarë, miqtë e Kylian.
Në moshën 25-vjeçare erdhi dita dhe Kylian dukej i emocionuar. Gjithashtu për tifozët, të cilët prisnin me padurim në tribunë dhe shikonin lëvizjet e Kylian brenda stadiumit duke firmosur në krah të Florentino Perezit. Kishte rreth 85,000 njerëz.
“Unë kam ëndërruar të luaj për Real Madridin për shumë vite dhe sot ëndrra ime bëhet realitet. Unë jam një fëmijë i lumtur. Dua të falënderoj presidentin Florentino Pérez që më ka besuar që nga dita e parë. Shumë gjëra kanë ndodhur… por faleminderit” tha Mbappé.
