Deputeti i PS, Erion Braçe shprehu irritimin e tij ndaj opozitës për kërkesën për mocion me debat mbi fondet e IPARD, e cila u rrëzua në Kuvend. Braçe tha se tani është koha për të kaluar në pikat e tjera të rendit të ditës.
“Kjo çështje u diskutua dhe u votua, nuk ka më për të biseduar,” tha Braçe, duke akuzuar opozitën për vonesë në interesimin për bujqësinë.
Ai shtoi se “Ka mes tyre pika që mund të flitet edhe për ekonominë edhe për bujqësinë, kush është zgjuar sot për bujqësinë, keq më vjen por duhet të flejë akoma. Kur unë çohesha dhe flija për bujqësinë tallnin menderen andej matanë”.
Braçe theksoi se duhet të vazhdohet me punën e Kuvendit dhe të fokusohet në çështje të tjera për zhvillimin e sektorit të bujqësisë dhe ekonomisë.
